Shumë ushqime të shijshme dhe ushqyese mund të kontribuojnë në uljen e rrezikut të sëmundjeve të zemrës, por ka edhe disa opsione që mund të kenë efekt të kundërt. Disa ushqime mund të bllokojnë arteriet, duke rritur kështu rrezikun e problemeve kardiovaskulare si ataku në zemër dhe goditja në tru. Ekspertët e nutricionit paralajmërojnë për katër lloje ushqimesh që mund të dëmtojnë shëndetin e arterieve:
Petulla
Petullat janë një ushqim i preferuar për shumë njerëz, por konsumimi i shpeshtë i tyre mund të kontribuoni në bllokimin e arterieve. Shumica e petullave përmbajnë miell të rafinuar, sheqer dhe yndyrë, të cilat mund të rrisin nivelin e sheqerit në gjak dhe rrezikun e diabetit. Diabeti është një faktor i njohur rreziku për sëmundjet e zemrës.
Proshutë
Proshuta, veçanërisht ajo e tymosur dhe e përpunuar, është e pasur me natrium dhe yndyrë të ngopur, të cilat mund të rrisin presionin e gjakut dhe të dëmtojnë enët e gjakut. Konsumi i proshutës stimulon prodhimin e kolesterolit të dëmshëm (LDL) në mëlçi, duke rritur mundësinë e zhvillimit të arteriosklerozës, një sëmundje që ngushton arteriet dhe pengon qarkullimin e duhur të gjakut.
Ëmbëlsues Artificialë
Ëmbëlsuesit artificialë, megjithëse duket se janë një alternativë më e shëndetshme për të zëvendësuar sheqerin, mund të kenë një efekt të dëmshëm në shëndetin kardiovaskular. Disa studime kanë treguar se përdorimi i ëmbëlsuesve si aspartami dhe sakarina mund të ndikojë negativisht në kontrollin e sheqerit në gjak dhe metabolizmin e lipideve, duke kontribuar në zhvillimin e problemeve me arteriet dhe përkeqësuar shëndetin kardiovaskular.
Pica
Pica, sidomos ato të përgatitura me djathë të pasur në yndyrna të ngopura dhe produkte të përpunuara si salçiçet dhe sallami, mund të rrisin ndjeshëm nivelet e kolesterolit të keq (LDL), duke kontribuar në bllokimin e arterieve. Ky lloj ushqimi, përmban yndyrna trans që ngushtojnë arteriet dhe e rrisin ngarkesën mbi zemër. Një alternativë më e shëndetshme është përgatitja e picës në shtëpi me brumë integral, perime dhe djathë me pak yndyrë.
