Qytetarët, kryesisht mërgimtarë, po përballen me pritje të gjata në hyrje të Kosovës përmes pikave kufitare kryesore.
Në pikën kufitare të Dheut të Bardhë, pritja për të hyrë në vend po zgjat deri në 1 orë, ndërsa në pikën kufitare të Muçibabës, pritjet janë rreth 40 minuta.
Sipas Qendrës Kombëtare për Menaxhim Kufitar, në pikëkalimet e tjera kufitare, pritjet aktualisht variojnë nga 10 deri në 15 minuta, duke reflektuar një fluks të shtuar hyrjesh për shkak të sezonit të verës dhe ardhjes së diasporës.
Autoritetet kufitare po bëjnë thirrje për durim dhe bashkëpunim nga udhëtarët, duke theksuar se janë duke punuar për të menaxhuar fluksin në mënyrë sa më efikase.
