Presidentja e Kosovës, Vjosa Osmani, ka dhënë një intervistë për televizionin amerikan Fox News, ku foli për marrëdhëniet mes Kosovës dhe ShBA-së dhe rolin e administratës Trump në ruajtjen e paqes në rajon.
Osmani theksoi se gjatë agresionit serb të shtatorit 2023, Kosova e menaxhoi situatën me ndihmën e aleatëve amerikanë, ndërsa përmendi edhe një rast të majit 2025, kur sipas saj, administrata Trump parandaloi eskalimin e tensioneve.
“Presidenti Trump na ka ndihmuar shumë në mbështetje të paqes dhe në një paqe të qëndrueshme”, tha Osmani, duke shtuar se Serbia vazhdon të mbetet kërcënim për Kosovën.
Megjithatë, teksa Osmani lavdëronte SHBA-në dhe Trumpin, Fox News ilustroi intervistën me pamje nga rrahja që kishte shpërthyer në Kuvendin e Kosovës mes deputetëve të Vetëvendosjes dhe PDK-së – duke sjellë në ekran një moment turpi për politikën kosovare.
