Prishtinë, 26 tetor 2025 – Pas dështimit të Lëvizjes Vetëvendosje për të siguruar shumicën parlamentare dhe formuar qeverinë e re, skenari më i mundshëm mbetet mbajtja e zgjedhjeve të jashtëzakonshme.
Kryetari i Partisë Demokratike të Kosovës (PDK), Memli Krasniqi, deklaroi pas seancës së Kuvendit se partia e tij nuk do të pranojë mandatin për formimin e qeverisë, duke theksuar se zgjedhjet janë zgjidhja e vetme.
“Pa vonesë duhet të konsumohen procedurat në mënyrë që të shkojmë në zgjedhje,” tha Krasniqi.
Edhe kryetari i Lidhjes Demokratike të Kosovës (LDK), Lumir Abdixhiku, u shpreh se vendi po shkon drejt zgjedhjeve të reja.
Sipas deputetit Nenad Rashiq, zgjedhjet mund të mbahen në fund të janarit ose fillim të shkurtit të vitit të ardhshëm, ndërsa juristi Ardian Bajraktari thekson se afati më i mundshëm ligjor dhe kushtetues për zgjedhje është mesi i dhjetorit.
Vendimi për datën e saktë të zgjedhjeve do të varet nga zhvillimet e mëtejshme politike dhe konsultimet mes partive.
