Hagë, 31 tetor 2025 – Dhomat e Specializuara të Kosovës kanë njoftuar se kanë anuluar zyrtarisht të gjitha seancat e planifikuara për javën e ardhshme, që nis më 3 nëntor, ashtu siç kishin vepruar edhe për javën aktuale që filloi më 27 tetor.
Sipas njoftimeve nga Haga, arsyeja e shtyrjes është shtyrja e dëshmisë së diplomatit amerikan, Christopher Hill, i cili pritet të paraqitet si dëshmitar në procesin gjyqësor kundër ish-presidentit të Kosovës, Hashim Thaçi, dhe të bashkëakuzuarve të tij.
Hill, së bashku me një dëshmitar tjetër të thirrur më herët nga mbrojtja e Thaçit, pritet të dëshmojnë në javën që nis më 10 nëntor.
Procesi ndaj Thaçit dhe ish-zyrtarëve të tjerë të UÇK-së po zhvillohet në Hagë, në kuadër të Dhomave të Specializuara të Kosovës, të cilat po trajtojnë akuzat për krime lufte dhe krime kundër njerëzimit.
