Një histori që po trondit rrjetet sociale ka ndodhur pikërisht në ditën më romantike të vitit – Shën Valentinin! Një djalë, që priste një dhuratë të ëmbël nga e dashura, ka mbetur pa fjalë kur hapi kutinë dhe gjeti brenda… të gjitha fotot e vajzave që ai kishte bërë ‘like’ në Instagram!
Burime pranë çiftit tregojnë se vajza kishte dyshuar prej kohësh për sjelljen e të dashurit në rrjetet sociale. “Çdo herë që shihja aktivitetin e tij, ai pëlqente vetëm foto vajzash, shumica në poza provokuese. Më kishte lodhur!” – ka thënë ajo për një mikeshë të afërt.
Në vend që të bënte skenë apo të prishej me të, ajo zgjodhi një mënyrë gjeniale dhe therëse për t’i treguar se “like”-et kanë pasoja. Ajo printoi qindra fotografi të vajzave që ai kishte pëlqyer dhe ia dhuroi në një kuti të mbështjellë me fjongo të kuqe dhe një pusullë: “Gëzuar Shën Valentinin! Të dërgova dashuritë e tua të vërteta.”
Reagimi i tij?
“U zverdh në fytyrë dhe nuk foli për disa minuta. Pastaj mblodhi kutinë dhe iku pa thënë asnjë fjalë.”
Rrjetet sociale janë ndezur nga kjo histori, duke ndarë mendime të ndara: disa e quajnë vajzën legjendë, të tjerë thonë se ishte hakmarrje e tepruar. Por një gjë është e sigurt – ky Shën Valentin nuk do të harrohet lehtë!
