Ekspertët e ushqimit paralajmërojnë se disa ushqime, sado të shëndetshme në pamje të parë, mund të jenë të dëmshme kur konsumohen me stomak bosh. Në krye të listës janë frutat agrume, të cilat shumë njerëz i zgjedhin për mëngjes, shpesh në formë lëngu ose të kombinuara me drithëra.
Sipas dietologëve, limonët, portokajtë dhe mandarinat mund të nxisin prodhimin e acidit në stomak, gjë që mund të çojë në irritim të mukozës gastrike dhe rritje të rrezikut për gastrit apo ulçerë. Gjithashtu, përmbajtja e lartë e fibrave dhe fruktozës mund të ngadalësojë metabolizmin kur këto fruta konsumohen pa ngrënë më parë.
Përveç agrumeve, specialistët e ushqimit këshillojnë që të shmangni edhe këto produkte me stomak bosh:
-
Kosi – mund të irritojë stomakun kur nuk ka ushqim tjetër për ta neutralizuar aciditetin.
-
Ushqimet pikante – shkaktojnë shqetësime dhe mund të përkeqësojnë problemet gastrike.
-
Produktet e pasura me sheqer të përpunuar – ndikojnë negativisht në pankreas dhe rrisin nivelin e insulinës.
-
Kafeja – stimulon aciditetin në stomak dhe mund të çojë në shqetësime gastrointestinale.
Ekspertët sugjerojnë që mëngjesi të fillojë me ushqime të lehta dhe të balancuara, si buka integrale, vezët apo fruta të buta jo-acidike, për të mbrojtur shëndetin e sistemit tretës.
