Më 9 shtator, nga ora 17:00 në Fakultetin Filozofik do të mbahet diskutimi publik “Reimagining the Balkan”, me Maria Todorovën, Fatos Lubonjën dhe Gëzim Selacin.
Instituti për Politika Sociale Musine Kokalari dhe Kuvendi i Sociologjisë, në bashkëpunim me Zyrën e Friedrich-Ebert-Stiftung (FES) në Prishtinë, kanë kënaqësinë të organizojnë një diskutim publik me Maria Todorovën, Fatos Lubonjën dhe Gëzim Selacin.
Me temën “Reimagining the Balkans”, bashkëbisedimi do të fokusohet mbi konceptet e “Ballkanizmit” dhe “Evropianizmit”, 36 vite pas rënies së Perdes së Hekurt dhe 22 vite pas Samitit të Selanikut i cili përcaktoi perspektivën evropiane të Ballkanit Perëndimor.
