Kosjeriç, 23 Shtator 2025 – Një paralajmërim që tronditi qytetin erdhi nga vetë Milan Radoičić, ish-nënkryetar i Listës Serbe dhe i shpallur në kërkim nga Interpol. Ai u shfaq publikisht në Kosjeriç për një tubim kundër bllokadave, duke bërë deklarata kërcënuese ndaj qytetarëve. Lajmi është konfirmuar ekskluzivisht nga Qendra.info.
Sipasinformatave të mbledhura nga Qendra.info, Radoičić i tha njërit prej pjesëmarrësve në protestat studentore:
“Nëse do të ketë incidente, do të ketë kaos. Pas protestës, do të bëhen vizita në shtëpi, sepse ne kemi të gjitha të dhënat.”
Ai paralajmëroi gjithashtu:
“Do të marshojmë të shtunën dhe nuk do të lejojmë që asnjë fije floku të humbasë. Jemi të gatshëm të vdesim për bindjet tona!”
Qendra.info ka siguruar informacione se kërcënimet e Radoičiç erdhën në kuadër të një serie ngjarjesh ku mbështetësit e SNS kundërshtojnë protestat studentore, të cilat kanë mbetur aktive për më shumë se nëntë muaj, duke kërkuar zbardhjen e përgjegjësive për vdekjen e 16 personave në një aksident në Novi Sad.
Aktivist nga Grupi qytetar “Njerëz të pastër për një Kosjeriç të pastër” konfirmuan për Qendra.info praninë dhe kërcënimet e Radoičiç në qytet.
Në Kosjeriç, më 27 shtator 2025, do të mbahet një tubim i organizuar nga mbështetës të Partisë Progresiste Serbe (SNS), kundër bllokadave që janë zhvilluar në disa qytete të Serbisë. Ky tubim ka tërhequr vëmendjen për shkak të pranisë të Milan Radoičić, ish-nënkryetar i Listës Serbe dhe person i shpallur në kërkim nga Interpol. Radoičić është parë në qytet, duke udhëhequr një grup që ka kërcënuar qytetarët dhe ka bërë deklarata provokuese.
