Kryetari i PDK-së, Memli Krasniqi, pritet që sot të ofrojë dorëheqjen nga posti i udhëheqësit të partisë. Burime të Qendra.INFO bëjnë me dije se dorëheqja do të prezantohet në mbledhjen e Kryesisë së PDK-së, si rezultat i mosarritjes së objektivave në zgjedhjet e fundit lokale.
Ky hap hap rrugën për organizimin e një konvente të re zgjedhore. Pas mbledhjes, Krasniqi do të mbajë konferencë për media në orën 15:30.
Në zgjedhjet lokale të fundit, PDK-ja fitoi gjashtë komuna: Prizren, Ferizaj, Skenderaj, Vushtrri, Kaçanik, Hani i Elezit, ndërsa humbi Drenasin dhe Mitrovicën.
Krasniqi u zgjodh kryetar i PDK-së më 3 korrik 2021, duke marrë 469 vota pro dhe vetëm 7 kundër në konventën zgjedhore./Qendra.INFO
