3 Tetor 2025 – Një emër i ri ka pushtuar rrjetet sociale muajt e fundit mes prezantuesve të Ligës së Kampioneve: Eysan Aksoy, prezantuese turke. Por hetimet ndërkombëtare zbulojnë një fakt surprizues — personazhi nuk ekziston realisht, por është krijim i inteligjencës artificiale.
Sipas mediave ndërkombëtare, përfshirë The Sun, Eysan Aksoy ka fituar popullaritet duke u shfaqur në udhëtime luksoze dhe foto provokuese, duke arritur mbi 40 mijë ndjekës në rrjetet sociale. Stili dhe pamja e saj duket e bazuar në moderatoren shqiptare Eva Murati, e njohur për prezantimet në Ligën e Kampioneve.
Personazhi ka edhe një faqe me pagesë në Patreon, ku ofron përmbajtje +18 me abonime deri në £771.50 paund, çka ka nxitur debate mbi etikën e përdorimit të inteligjencës artificiale për krijimin e imazheve mashtruese dhe përfitime financiare nga ndjekësit.
Ky rast ngre pyetje serioze mbi rregullat dhe përgjegjësitë në epokën digjitale, teksa AI po sfidon kufijtë e të vërtetës dhe identitetit.
Burimi: The Sun
