18-vjeçari Yll Hiseni, i cili ishte raportuar i zhdukur që nga mesnata e së martës, është gjetur pa shenja jete nga Shoqata e Kosovës për Kërkim-Shpëtim.
Lajmin e ka konfirmuar nënkryetari i shoqatës, Mentor Maloku.
“Fatkeqësisht e kemi gjetur trupin. Është gjetur i vdekur në fshatin Brod”, ka deklaruar Maloku.
Autoritetet pritet të japin detaje të mëtejshme lidhur me rastin, ndërsa hetimet janë duke vazhduar.
