Kryeministri i Shqipërisë, Edi Rama, dhe kryeministri i Kosovës, Albin Kurti, po marrin pjesë sot në Samitin e Planit të Rritjes së Bashkimit Europian, i cili po zhvillohet në Tiranë.
Samiti ka mbledhur liderë të rajonit dhe zyrtarë të lartë të BE-së për të diskutuar implementimin e Planit të Rritjes, një iniciativë e re europiane që synon përshpejtimin e integrimit ekonomik dhe afrimin e vendeve të Ballkanit Perëndimor me tregun e përbashkët të BE-së.
Pjesëmarrja e dy kryeministrave shqiptarë vjen në një moment kyç për bashkëpunimin rajonal dhe procesin e integrimit europian, ndërsa pritet që diskutimet të fokusohen në zhvillimin ekonomik, investimet dhe reformat e nevojshme për vendet e rajonit.
