Presidentja e Republikës së Kosovës, Vjosa Osmani, ka ftuar në takim krerët e partive parlamentare, pas dështimit të Qeverisë së propozuar nga Albin Kurti për të marrë votat e nevojshme në Kuvend.
Sipas burimeve të IndeksOnline, takimi pritet të mbahet nesër në orën 12:00 në Presidencë.
Ftesa e Osmanit vjen në një moment politik të ndjeshëm, pas moskalimit të kabinetit të ri qeveritar dhe pas deklaratave të partive opozitare.
Partitë kryesore opozitare, PDK dhe LDK, kanë bërë të ditur se nuk do të kërkojnë mandatin për formimin e qeverisë, duke theksuar se duhet hapur rruga për zgjedhje të jashtëzakonshme.
Mbetet të shihet nëse takimi i nesërm do të sjellë një konsensus të ri politik apo do të vulosë drejtimin e vendit drejt zgjedhjeve të reja parlamentare./Qendra.INFO
