Barcelona dhe Interi i dhanë fund një prej ndeshjeve më të mira në historinë e fazës eliminatore të Ligës së Kampionëve të martën në mbrëmje.
Pasi dy ndeshjet përfunduan me rezultatin identik 3-3, Interi arriti të shënonte një tjetër gol në kohën shtesë për të kaluar në finale.
Tifozët e Real Madridit festuan rënien e Barcelonës nga Liga e Kampionëve, garë që vet kishin rënë më herët nga Arsenali, shkruan Insajderi.
Disa prej tyre falënderuan Interin që i nxori jashtë rivalët e urryer. Ata vendosën një banderolë përpara kampit të Real Madridit në Valdebebas, ku shkruhej “Grazie, Inter” (Faleminderit, Inter).
Një video e banderolës u publikua nga televiziv spanjoll El Chiringuito.
Real Madridi u eliminua nga Liga e Kampionëve në çerekfinale nga Arsenali, i cili luan kundër PSG-së në Paris sonte për finalen.
Reali fitoi Ligën e Kampionëve vitin e kaluar, por skuadra u vu në vështirësi nga lëndime të shumta. Ata humbën gjithashtu në finalen e Kupës së Mbretit ndaj Barcelonës me rezultatin 3-2. Ai ende mund ta fitojë kampionatin, por janë prapa me katër pikë nga Barcelona.
