02 Tetor 2025 – Në orët e mbrëmjes së djeshme, forcat izraelite kanë ndaluar flotën humanitare Sumud, e cila po udhëtonte drejt bregdetit të Gazës për të thyer bllokadën izraelite dhe për të dërguar ndihma. Në mesin e personave të arrestuar ndodhet edhe artisti serb Ognjen Marković, ndërsa ende nuk dihet vendndodhja e tij.
Presidenti i Serbisë, Aleksandar Vuçić, ka deklaruar se ka ndjekur ngjarjen dhe ka kritikuar pjesëmarrësit e flotës, duke i cilësuar si “të pakujdesshëm”. Një numër grupesh qytetare kanë bërë thirrje që qytetarët të kontaktojnë ambasadën serbe në Izrael për të kërkuar informacion dhe mbrojtje për Markoviçin.
Organizatat studentore që marrin pjesë në këtë aksion kanë publikuar një deklaratë të përbashkët, ku dënojnë arrestimin:
“Kërkojmë një reagim të menjëhershëm nga institucionet kompetente dhe nga ambasadori serb në Izrael, Miroljub Petroviç, për të dhënë informacione mbi Ognjen Markoviç dhe të gjithë vullnetarët e arrestuar gjatë këtij operacioni, i cili është i paligjshëm.”
Në komunikatë, organizatorët e flotës bëjnë thirrje që qytetarët të mobilizohen dhe të ushtrojnë presion mbi institucionet dhe qeveritë për lirimin e të arrestuarve, duke e cilësuar këtë incident si një “shkelje flagrante të të drejtave njerëzore”.
Qytetarët mund të dërgojnë kërkesa për mbrojtje në adresën srb.emb.israel@mfa.rs, ndërsa një draft për mesazhe gjendet në profilin @arh.politicne.
Nga ana tjetër, Ministria e Punëve të Jashtme të Izraelit ka deklaruar në rrjetin social X:
“Pasagjerët e flotës Hamas-Sumud po udhëtojnë në mënyrë të qetë dhe të sigurt drejt Izraelit, ku do të fillojë procedura e deportimit drejt Evropës. Ata janë në gjendje të mirë sh
