Fluturimet në të gjithë Rusinë janë pezulluar pas një sulmi kibernetik që goditi kompaninë ajrore më të madhe të vendit, Aeroflot, të hënën.
Detajet mbi sulmin janë ende të kufizuara, por një grup hakerësh pro-ukrainas, i njohur për sulme ndaj organizatave ruse dhe i quajtur Silent Crow, mori përgjegjësinë për sulmin bashkë me hakerë bjellorusë, duke përmendur okupimin rus të Ukrainës si arsye.
Në një postim në Telegram, të cilin e ka parë TechCrunch, grupi pretendon se ka marrë kontrollin mbi sistemet kritike të Aeroflot, përfshirë terabajtë të dhënash të brendshme. Ata po ashtu pretendojnë se kanë “shkatërruar” sistemet e kompanisë ku kanë pasur akses. Disa pamje të publikuara nga grupi tregojnë qasje në sisteme të ndryshme të Aeroflot, përfshirë drejtorinë aktive të përdoruesve të brendshëm.
Faqja zyrtare e Aeroflot ishte jashtë funksionit të hënën, me një mesazh gabimi që thoshte se qasja është “përkohësisht e kufizuar.”
Pamje nga brenda një aeroporti rus tregojnë ekranin e nisjeve me të gjitha fluturimet e anuluara.
Një deklaratë nga prokuroria ruse konfirmoi anulimin e më shumë se 60 fluturimeve, duke përmendur si shkak “një sulm nga hakerët.”
