Para fillimit të samitit, presidentja Osmani u prit nga Mbreti Frederiku X dhe Mbretëresha Margreth II në Pallatin Amalienborg në Kopenhagë.
Faleminderit Lartmadhërive të Tyre, Mbretit dhe Mbretëreshës së Danimarkës, për mikpritjen e ngrohtë në Kopenhagë para fillimit të Samitit të Liderëve të Komunitetit Politik Europian!”, ka shkruar Osmani në Facebook.
Edicioni i shtatë i Komunitetit Politik Europian do të bashkojë 47 kryetarë shtetesh dhe qeverish nga Europa, dhe do të ketë në fokus situatën e sigurisë në Europë, ku do të diskutohet se si mund të forcohet Ukraina dhe si mund të bëhet Europa më e fortë e më e sigurt në situatën gjeopolitike aktuale.
Edhe sivjet, Kosova në këtë samit, ashtu siç ndodh zakonisht, do ta ketë fusnotën anash emrit. Europianët e vendosin fusnotën për të mos e paragjykuar statusin e Kosovës, meqë një numër shtetesh aty s’e njohin pavarësinë.
