Prishtinë, 22 korrik 2025 – qendra.info
Ministri në detyrë i Punëve të Brendshme, Xhelal Sveçla, është paraqitur sot në Gjykatë së bashku me ish-deputetin dhe aktivistin e njohur të Vetëvendosjes, Salih Zyba, i njohur si “komandanti”.
Ata janë duke u përballur me drejtësinë për rastin e njohur të hedhjes së gazit lotsjellës në Kuvendin e Kosovës, ngjarje që kishte ndodhur gjatë kohës së protestave parlamentare të Lëvizjes Vetëvendosje. Bashkë me ta, në seancë janë paraqitur edhe deputetet Fitore Pacolli dhe Drita Millaku.
Sipas aktakuzës të ngritur më 26 korrik 2019 nga prokurori Eset Rama, Sveçla, Zyba, Pacolli dhe Millaku akuzohen se me veprimet e tyre kanë penguar vazhdimin e seancës plenare duke shkaktuar evakuimin e të gjithë deputetëve nga salla e Kuvendit.
Prokuroria pretendon se kjo ishte një ndërhyrje e paligjshme në punën e organit më të lartë legjislativ të vendit. Procesi gjyqësor është duke vazhduar dhe pritet që seancat në ditët në vijim të hedhin më shumë dritë mbi përgjegjësinë individuale të të akuzuarve.
qendra.info do të sjellë për lexuesit e saj të gjitha zhvillimet nga ky rast gjyqësor që përfshin figura kyçe të politikës aktuale në Kosovë.
