Prishtinë, 23 shkurt 2026 – Gazetari i sportit Adem Haliti ka bërë një vlerësim të ndikimit ekonomik tek tifozët e klubit kosovar Drita, duke theksuar se shpenzimet e udhëtimit për ndeshjet evropiane në kryeqytet janë ndër arsyet kryesore për mungesën e tyre në stadium.
Sipas Halitit, në emisionin “Ekipa A” në ATV, një tifoz që dëshiron të shohë një ndeshje nga afër, duke udhëtuar nga Gjilani në Prishtinë, i kushton rreth 100 € vetëm për udhëtim. Ai tha se këto shpenzime shtesë ndikojnë në pjesëmarrjen e tifozërisë në stadium, veçanërisht kur bëhet fjalë për takimet evropiane, të cilat trajtojnë interes të madh për komunitetin sportiv.
Haliti theksoi se ndoshta as klubet, as autoritetet lokale nuk e kanë analizuar deri më tani këtë faktor ekonomik që ndikon në mbështetjen e tifozëve, ndërsa iu bëri apel institucioneve që të shqyrtojnë mundësitë për ndihmë apo masa lehtësuese për fansat.
Ai sugjeroi gjithashtu se mungesa e tifozëve në tribunat e stadiumeve mund të shihet edhe si një formë proteste kundër vonesave në ndërtimin e stadiumit në Gjilan, projekt që prej kohësh ka qenë në qendër të diskutimeve në komunitetin lokal./Qendra.INFO
