Brenda 48 orëve të fundit, Policia e Kosovës ka raportuar gjashtë raste të dhunës në familje, të ndodhura në Prishtinë, Klinë, Pejë, Deçan, Skenderaj dhe Mitrovicë.
Në pesë prej rasteve, viktima janë gra.
Raporti i plotë sipas qyteteve:
Prishtinë, 27.10.2025 – 10:21
Është shoqëruar në stacionin policor i dyshuari mashkull kosovar, nën dyshimin se ka ushtruar dhunë ndaj viktimës femër kosovare. Me vendim të prokurorit, rasti vazhdon të trajtohet në gjendje të lirë.
Klinë, 26.10.2025 – 23:20
Është arrestuar i dyshuari mashkull kosovar pasi, pas një mosmarrëveshjeje, dyshohet se ka ushtruar dhunë ndaj viktimës femër kosovare. Viktima ka marrë trajtim mjekësor, ndërsa i dyshuari pas intervistimit është liruar në procedurë të rregullt, me vendim të prokurorit.
Pejë, 27.10.2025 – 16:00
Është arrestuar i dyshuari mashkull kosovar pasi dyshohet se ka ushtruar dhunë ndaj viktimës femër kosovare. Me vendim të prokurorit, i dyshuari është dërguar në mbajtje.
Deçan, 27.10.2025 – 20:30
Është arrestuar i dyshuari mashkull kosovar nën dyshimin se ka ushtruar dhunë ndaj disa viktimave kosovarë. Viktimat kanë marrë trajtim mjekësor, ndërsa i dyshuari me vendim të prokurorit është dërguar në mbajtje.
Skenderaj, 27.10.2025 – 17:30
Është raportuar se i dyshuari mashkull kosovar ka ushtruar dhunë ndaj viktimës femër kosovare. I dyshuari është arrestuar dhe pas testit të alkoolit, i cili ka rezultuar pozitiv, është dërguar në mbajtje për 48 orë, me vendim të prokurorit.
Mitrovicë, 27.10.2025 – 13:00
Është raportuar se i dyshuari mashkull kosovar ka ushtruar dhunë ndaj viktimës femër kosovare. Palët janë intervistuar dhe me vendim të prokurorit, i dyshuari është liruar në procedurë të rregullt.
