Policia e Kosovës ka bërë të ditur se më 8 qershor 2025, në Burgun e Dubravës, është arrestuar një i dyshuar për posedim të substancave narkotike.
Sipas raportit zyrtar, gjatë një kontrolli rutinë të realizuar në orën 11:00 të së dielës, tek i dyshuari, shtetas kosovar, janë gjetur dhe konfiskuar: 0.4 gram substancë e dyshuar narkotike e llojit kokainë dhe 0.3 gramë substancë e dyshuar narkotike e llojit marihuanë
I dyshuari është intervistuar nga hetuesit policorë dhe me vendim të prokurorit është liruar në procedurë të rregullt. Rasti do të trajtohet më tej në përputhje me ligjin dhe procedurat në fuqi.
Policia thekson se kontrollet në institucionet korrektuese do të vazhdojnë me intensitet për të parandaluar futjen dhe qarkullimin e substancave të paligjshme.
