Ministri i jashtëm i Serbisë, Marko Gjuriq, ka thënë se për më pak se 10 ditë do të mbahet votimi për pranimin e Kosovës në Këshillin e Evropës dhe ka pretenduar se “ajo nuk do të anëtarësohet” sepse, sipas fjalëve të tij, “Serbia ka arritur të sigurojë mbështetjen e disa prej aktorëve kryesorë nga BE-ja”, transmeton Paparaci.
“Kosova nuk do të kalojë sepse Serbia arriti të fitojë në anën e saj disa nga lojtarët kryesorë në BE. Prishtina nuk përmbushi asnjë nga kushtet, nuk ua ktheu “tokën e vjedhur” serbëve dhe nuk e formoi Asociacionin. Jo vetëm se Asociacioni nuk u formua, por ata mburren se nuk e kanë ndërmend ta formojnë atë. Duhet të luftojmë, të shpjegojmë rastin tonë dhe aty është presidenti ynë “i shkëlqyer” Vuçiq”, e tejkalon edhe veten Gjuriqi në servilizmin ndaj shefit të tij.
“Marrëdhëniet e tij me Macron, me garniturën e kaluar gjermane… Këto janë marrëdhëniet që Vuçiqi ka ndërtuar shumë kohë më parë dhe që kanë çuar në faktin se ne kemi rreth 100.000 njerëz që punojnë në shumë kompani gjermane që janë ndërtuar në vendin tonë. Serbia realizon 64 për qind të tregtisë së saj me vendet e BE-së, dhe ne jemi një vend që është në rrugën e duhur për anëtarësim në BE”, ka vazhduar Gjuriqi me lavdërimin e diktatorit serb, të cilit më nuk i beson as publiku i brendshëm në Serbi./Paparaci.com
