Lipjan, 9 korrik 2025 – Gjykata Themelore e Prishtinës, dega në Lipjan, ka marrë vendim që t’i caktojë masën e paraburgimit prej 30 ditësh pesë policëve të dyshuar për veprën penale “vrasje nga pakujdesia” në rastin e 27-vjeçarit Agon Zejnullahu.
Seanca dëgjimore ndaj policëve ka përfunduar sot në orën 13:50 në një mbledhje të mbyllur për media. Avokatët e të dyshuarve nuk janë deklaruar për mediat.
Zëdhënësja e gjykatës, Mirlinda Gashi, ka konfirmuar për KALLXO.com vendimin për paraburgimin e policëve. Ata janë të dyshuar se gjatë arrestimit të Zejnullahut kanë shkaktuar vdekjen e tij përmes pakujdesisë.
Në pritje të zhvillimeve të mëtejshme, ky rast po ndiqet me shumë interes nga opinioni publik në Kosovë.
