Gjykata në Vis të Kroacisë ka marrë vendim për rastin e pilotit kroat dhe të dashurës së tij serbe nga Mitrovica e Veriut, të arrestuar nën dyshimin se spiunonin për Serbinë dhe Listën Serbe.
Piloti, që më herët kishte shërbyer edhe në misionin e KFOR-it në Kosovë, dyshohet se i ka dhënë informacione konfidenciale të dashurës së tij për t’i transmetuar më tej tek zyrtarë të Listës Serbe.
Sipas mediave kroate, piloti është liruar nga paraburgimi, ndërsa Ana Murganiq po mbahet ende në qendrën e paraburgimit. Nesër pritet vendimi për zgjatjen e masës ndaj saj.
Ministria e Mbrojtjes së Kroacisë ka konfirmuar se piloti është shkarkuar nga ushtria, ndërsa e pandehura serbe do të deportohet nga Kroacia për 10 vjet./Qendra.INFO
