Gjykata Speciale ka bërë të ditur se ka nisur procedura për shqyrtimin e kërkesës së re referuese të ish-presidentit të Kosovës, Hashim Thaçi, në kuadër të rastit “Thaçi dhe të tjerët”, që lidhet me veprat kundër administratës së drejtësisë.
Sipas njoftimit zyrtar, më 30 dhjetor 2025, Kryetarja e Gjykatës Kushtetuese, Alenka Trendafilova, ka caktuar Panelin e Gjykatës Kushtetuese, i cili do të vendosë lidhur me kërkesën e dorëzuar nga Thaçi po në të njëjtën ditë.
Paneli përbëhet nga gjyqtarët Vidar Stensland, Roumen Nenkov dhe Piotr Hofmański. Ata do të shqyrtojnë kërkesën referuese në vazhdën e vendimit të Gjykatës së Apelit të datës 28 tetor 2025.
Nga Gjykata Speciale është theksuar se paneli i caktuar do të marrë vendim mbi këtë kërkesë, e cila përbën një hap të ri procedural në procesin gjyqësor ndaj Hashim Thaçit./Qendra.INFO
