Prishtinë – Dhomat e Specializuara të Hagës kanë zhvilluar së fundmi një ligjëratë me nxënës të shkollave të mesme, gjatë së cilës është trajtuar çështja e UÇK-së si “ndërmarrje e përbashkët kriminale”, sipas dokumentacionit dhe materialeve të siguruara nga mediat vendore.
Fotografitë e nxjerra nga ligjërata tregojnë se nxënësit janë angazhuar për të vlerësuar prezantimin dhe për të bërë pyetje mbi temën, ndërsa njëri nga ta ka shkruar mesazhin “Free Hashim Thaçi”, duke tërhequr vëmendjen ndaj ish-presidentit të Kosovës.
Drejtori i shkollës, Isak Bregaj, tha se ligjërata është ofruar nga një organizatë për mbrojtjen e të drejtave të njeriut dhe ka përfshirë tema rreth gjykatave dhe drejtësisë, përfshirë edhe Gjykatën Speciale, por nuk ka pasur fokus të drejtpërdrejtë vetëm tek UÇK-ja.
Redaksia ka kontaktuar drejtuesit e arsimit dhe Gjykatën Speciale për sqarime shtesë mbi qëllimin dhe natyrën e këtyre ligjëratave dhe pritet përgjigje zyrtare../Qendra.INFO
