Një studim i fundit i publikuar në revistën shkencore Addiction ka nxjerrë në pah një lidhje të fortë mes konsumit të lartë të alkoolit dhe rritjes së rrezikut për shtatzëni të padëshiruar tek gratë.
Sipas të dhënave të studimit, gratë që pijnë sasi të mëdha alkooli kanë 50% më shumë gjasa të mbeten shtatzëna pa dëshirë, në krahasim me ato që pijnë pak ose nuk pijnë fare.
Nga një kampion prej 936 grash që nuk kishin synim të mbeteshin shtatzënë, 71 prej tyre u bënë me fëmijë brenda një viti – dhe mbi gjysma e këtyre grave ishin përdoruese të rënda të alkoolit, raporton MedicalXpress, përcjell Gazeta Shneta.
Në të kundërt, përdorimi i kanabisit nuk u gjet të kishte ndikim domethënës në rrezikun për shtatzëni të padëshiruar, sipas të njëjtit studim.
Ekspertët e shëndetit publik theksojnë se këto gjetje nënvizojnë nevojën për ndërhyrje dhe mbështetje më të madhe për gratë që pijnë alkool në nivele të larta – jo vetëm për të shmangur shtatzënitë e paqëllimshme, por edhe për të parandaluar dëmet që alkooli mund të shkaktojë në rast të një shtatzënie të papritur.
Ata rekomandojnë që gratë në moshë riprodhuese të informohen më mirë për rreziqet dhe të kenë qasje më të lehtë në mjetet për planifikim familjar dhe këshillim për abuzimin me alkoolin.
