Emisari Special i presidentit amerikan për misione të posaçme, Richard Grenell, ka kritikuar ashpër presidenten e Komisionit Evropian, Ursula von der Leyen, lidhur me procesin e Gjykatës Speciale në Kosovë. Grenell e akuzon von der Leyen se ka qëndruar e heshtur gjatë arrestimit të ish-presidentit Hashim Thaçi nga prokurori amerikan Jack Smith, ndërkohë që Thaçi ishte në detyrë.
Në një postim në platformën X, Grenell shkruan se “Gjykata juaj në Hagë ka mbajtur presidentin Thaçi për 5 vjet. Si mund të shpërndahen këshilla gjyqësore në çdo vend? Ju keni qëndruar në heshtje ndërkohë që Jack Smith arrestoi një president në detyrë, vetëm sepse ai po shkonte të takohej me Donald Trump për të formuluar një marrëveshje paqeje që përfshinte shpërbërjen e punës së Smith-it dhe gjykatës. Është turp si media ka injoruar këtë ndjekje politike.”
Reagimi i Grenell vjen në kuadër të vizitës së Ursula von der Leyen në Kosovë, ku presidentja e Komisionit Evropian ka ndarë pamje dhe përshkrime të takimeve të saj në Prishtinë.
