Hikmete Bajrami i reagon ashpër Ermal Pandurit “Live” në Debat Plus: “Nuk je autoritet që vendos renditjen e partive politike, e veçmas të LDK-së. Mos e manipulo opinionin!”
Në një përballje të tensionuar në emisionin Debat Plus, ish-ministrja dhe deputetja e LDK-së, Hikmete Bajrami, ka reaguar ashpër ndaj gazetarit Ermal Panduri, pasi ky i fundit komentoi rreth renditjes dhe pozicionimit të partive politike në skenën kosovare.
Gjatë diskutimit live, Bajrami e akuzoi Pandurin se po “përpiqet të krijojë narrativë të gabuar” për Lidhjen Demokratike të Kosovës, duke thënë se asnjë gazetar nuk ka autoritet të caktojë peshën apo rëndësinë e partive politike në vend.
“Nuk je autoritet që vendos renditjen e partive politike, e veçmas të LDK-së. Mos e manipulo opinionin!” – deklaroi Bajrami me tone të larta, duke shkaktuar reagime të menjëhershme në studio.
Debati vijoi me shkëmbime të ashpra mes të dyve, ku Bajrami insistoi se komentet e Pandurit janë të njëanshme dhe “tendencioze”, ndërsa Panduri mbrojti analizën e tij si pjesë e punës së gazetarisë.
Përballja e sotme ka ngjallur reagime të shumta në rrjete sociale, ku përdoruesit janë ndarë mes mbështetjes për Bajramin dhe mbrojtjes së rolit kritik të mediave./Qendra.INFO
