Sot iu dha lamtumira e fundit nënës Zymë, të ëmës së dy dëshmorëve, Tahir e Agim Mazrekaj.
Në ceremoninë mortore ishte i pranishëm kreu i AAK-së, Ramush Haradinaj, i cili tha se nëna Zymë ishte një grua fisnike, që me sakrificë dhe dashuri për atdheun rriti fëmijët e saj, duke i edukuar me frymën e lirisë.
“Trashëgimia e saj dhe e familjes Mazrekaj do të mbetet gjithmonë shembull i sakrificës dhe patriotizmit. Ngushëllime familjes Mazrekaj dhe bashkëluftëtarëve. U prehtë në paqe!”, ka shkruar ai.
