Skuadra e Interit ka siguruar finalen e Ligës së Kampionëve pasi arriti që ta mposht Barcelonën në gjysmëfinale.
Inter triumfoi me rezultat 4:3 në ndeshjen e kthimit, duke shënuar fitore me rezultat final 7:6, duke i llogaritur të dyja ndeshjet.
Zikaltrit kishin epërsinë prej dy golave, mirëpo Barcelona arriti ta përmbyste rezultatin duke kaluar në epërsi me 3:2.
Acerbi shpëtoi vendasit pak pa përfunduar koha e rregullt, duke e dërguar ndeshjen në vazhdime.
Golin vendimtar për Interin e shënoi Frattesi, i cili shënoi për 4:3, në minutën e 99-të.
Në finale, Interi do të përballet me fituesin e takimit mes PSG-së e Arsenalit, që zhvillohet nesër.
