Këshilli i Fshatit Irzniq ka publikuar agjendën e aktiviteteve që do të mbahen më 11 gusht, në kuadër të Ditës së Dëshmorëve.
Programi nis në ora 11:00 me homazhe pranë Lapidarit të Dëshmorëve dhe Martirëve të Irzniqit. Nga ora 11:15 deri në 14:00, në Odën e Fshatit do të zhvillohet aksioni për dhurimin vullnetar të gjakut. Në ora 13:30 do të organizohet një koktej rasti me ushqime tradicionale.
Mbrëmja do të përmbyllet me finalen e turnirit tradicional të futbollit, e cila do të zhvillohet në palestrën sportive të Shkollës Fillore “Maxhun Cekaj” nga ora 20:00.
Po ashtu, gjysmëfinalet e turnirit do të luhen më 10 gusht, duke filluar nga ora 17:00, në të njëjtën lokacion.
Lavdi Dëshmorëve!
