Ferizaj, 14 tetor 2025 – Ish-deputeti Danush Ademi nga Unioni Republikan i Ashkalinjëve, i cili kandidonte për asamble komunale, është sulmuar gjatë ditës së zgjedhjeve në fshatin Dubravë të Ferizajt.
Policia ka konfirmuar se sulmi ka ndodhur pas një mosmarrëveshjeje verbale mes Ademisë dhe personit të dyshuar.
“Me datën 12.10.2025, rreth orës 16:30, Policia në Ferizaj ka shoqëruar në stacionin policor personin e dyshuar, mashkull kosovar, pasi dyshohet se ka sulmuar ankuesin – gjithashtu mashkull kosovar,” tha zëdhënësi i Policisë për rajonin e Ferizajt, Kanun Veseli.
Sipas policisë, pas intervistimit i dyshuari është liruar në procedurë të rregullt, ndërsa rasti është cilësuar si “sulm” nga prokurori.
Pamjet e publikuara nga Indeksonline tregojnë se Ademi është sulmuar nga një numër i madh njerëzish, duke e bërë incidentin të dukshëm dhe shqetësues në ditën e votimit.
