Fundi i procesit gjyqësor ndaj ish-krerëve të UÇK-së po afron dhe bashkë me të, tensionet brenda Gjykatës Speciale po shpërthejnë. Dorëheqjet e zyrtarëve dhe kritikat publike po e godasin seriozisht këtë institucion.
Një prej reagimeve më të forta vjen nga Dubravko Bolsec, ish-zyrtar i lartë i Prokurorisë së Hagës, i cili ka punuar mbi 7 vjet në këtë strukturë. Në një koment në LinkedIn, Bolsec ka dhënë një deklaratë të papritur, duke u pajtuar se Zyra e Prokurorit të Specializuar është e krahasueshme me GESTAPON, policinë famëkeqe sekrete të regjimit nazist.
Kjo erdhi pas një komenti të qytetarit Joseph Matt, i cili kritikoi ashpër Gjykatën Speciale:
“Gjykata Speciale është një zyrë e GESTAPOS që persekuton të akuzuarit… Ata synojnë të pastrojnë Serbinë nga akuzat për gjenocid dhe të shndërrojnë Kosovën në agresor.”
Përgjigjja e Dubravko Bolsec ishte e shkurtër, por goditëse:
“Pajtohem plotësisht me ty.”
Deklarata e tij ka shkaktuar valë reagimesh, duke ngritur pikëpyetje serioze për brendësinë dhe funksionimin e institucionit që prej vitesh merret me raste të krimeve të luftës në Kosovë.
Kush është Dubravko Bolsec?
-
Ish-zyrtar i UNMIK për 4 vjet
-
Përfaqësues Rajonal i SHBA-së për Krime Lufte (2006–2012)
-
Pjesë e ekipit të Clint Williamson (nga 2012)
-
Kryetar i Njësisë së Gjuhës / Asistent Operacionesh në Gjykatën Speciale (2012–2018)
-
Zyrtar Ndërlidhës Rajonal në Zyrën e Prokurorit të Specializuar (2018–2019)
Deklarata e tij vjen në një moment kritik, kur sistemi i Speciales po përballet me largime të zyrtarëve dhe me rritje të pakënaqësisë së brendshme.
