Jean-Paul Sartre mbetet figura e parë dhe e vetme që vullnetarisht refuzoi Çmimin Nobel në Letërsi, pas shpalljes si fitues në vitin 1964. Filozofi dhe shkrimtari francez deklaroi atëbotë se kishte parimin personal për të mos pranuar nderime zyrtare, duke kujtuar se kishte refuzuar edhe një medalje të qeverisë franceze për kontributin në rezistencën gjatë Luftës së Dytë Botërore.
Vite më vonë, partnerja e tij, Simone de Beauvoir, dha një shpjegim më të thelluar për vendimin e Sartre, duke e cilësuar dhënien e Nobelit si një “përpjekje për ta paraqitur atë si pjesë të elitës letrare”, ndërkohë që shkrimtari ishte i njohur për qëndrimet e tij të ashpra politike dhe përkrahjen ndaj pavarësisë së Algjerisë, që pothuajse i kushtoi jetën dy vite më parë në një atentat me bombë.
Në historinë e Nobelit, ka pasur vetëm një rast tjetër refuzimi – ai i Boris Pasternak në vitin 1958, i cili u detyrua të mos e pranonte çmimin pas presionit nga autoritetet sovjetike.
Sartre u nderua me motivacionin:
“Për punën e tij, të pasur me ide dhe të mbushur me frymën e lirisë dhe kërkimit të së vërtetës, që ka ushtruar ndikim të gjerë në epokën tonë.” /Qendra.INFO
