Partia Demokratike e Kosovës ka zyrtarizuar kandidaturën e Jona Arifit për kryetare të Komunës së Kamenicës në zgjedhjet e ardhshme lokale.
Arifi, e njohur për angazhimin e saj në nivel lokal dhe brenda strukturave të PDK-së, pritet të jetë një nga emrat kryesorë në garën për udhëheqjen e kësaj komune lindore të vendit.
PDK ka bërë të ditur se me këtë kandidaturë synon kthimin e besimit të qytetarëve dhe rikthimin e udhëheqjes komunale në duar të përgjegjshme dhe zhvillimore.
