Janë kapur rreth 1 milion euro të padeklaruara në pikëkalimin kufitar Merdare, ka njoftuar Dogana e Kosovës. Një automjet ishte zgjedhur për për kontroll të detajuar derisa po hynte në territorin e vendit.
Në pikëkalimin kufitar Merdare, zyrtarët e Dogana e Kosovës kanë zbuluar rreth 1 milion euro të padeklaruara, të fshehura në një automjet që po hynte në territorin e Republikës së Kosovës.
Sipas njoftimit zyrtar, automjeti ishte përzgjedhur për kontroll të detajuar në bazë të analizës së riskut dhe procedurave standarde operative. Gjatë kontrollit me pajisjen e skanimit X-Ray, janë vërejtur indikacione për një hapësirë të dyshimtë të modifikuar në dyshemenë e mjetit.
Me asistencën e Policia Kufitare e Kosovës dhe përdorimin e pajisjeve fibroskopike, është bërë kontrolli i hollësishëm, ku janë gjetur paratë e padeklaruara të fshehura në një ndarje të improvizuar.
Nga vlerësimet fillestare, shuma e mjeteve monetare të sekuestruara arrin rreth 1 milion euro.
Në vendin e ngjarjes kanë dalë njësitë hetimore të Doganës, ndërsa është njoftuar edhe prokurori kompetent, me të cilin po koordinohen veprimet e mëtejshme hetimore.
Dogana e Kosovës ka theksuar se përdorimi i teknologjisë së avancuar të kontrollit, si skanerët X-Ray, është mjet kyç në luftimin e kontrabandës dhe parandalimin e veprimtarive të kundërligjshme financiare.
Njoftimi i plotë:
Zbulohen rreth 1 milion euro të padeklaruara në Pikëkalimin Kufitar Merdare
Sot, më 24 shkurt 2026, në pikëkalimin kufitar Merdare, zyrtarët e Doganës së Kosovës kanë selektuar një automjet për kontroll të detajuar, në hyrje të territorit të Republikës së Kosovës, bazuar në analizën e riskut dhe procedurat standarde operative.
Automjeti fillimisht është kontrolluar përmes pajisjes së skanimit me rreze X (X-Ray), ku janë identifikuar indikacionet e para për ekzistimin e një hapësire të dyshimtë të modifikuar në dyshemenë e tij. Pas këtyre indikacioneve, Dogana e Kosovës ka kërkuar asistencë nga zyrtarët e Policisë Kufitare, të cilët kanë ofruar mbështetje teknike përmes pajisjes fibroskopike.
Gjatë kontrollit të përbashkët, dyshimet e ngritura nga skaneri janë konfirmuar me zbulimin e mjeteve monetare të padeklaruara, të fshehura në një hapësirë të improvizuar brenda automjetit.
Sipas vlerësimeve fillestare, shuma e mjeteve monetare dyshohet të jetë rreth 1,000,000 (një milion) euro.
Njësitë hetimore të Doganës kanë dalë menjëherë në vendin e ngjarjes. Prokurori kompetent është njoftuar dhe, në koordinim me të, po ndërmerren veprime të mëtejme hetimore në përputhje me autorizimet ligjore.
Dogana e Kosovës thekson se përdorimi i teknologjisë së avancuar të kontrollit, si skanerët X-Ray, mbetet një nga mjetet kyçe për zbulimin e rasteve të kontrabandës dhe parandalimin e veprimtarive të kundërligjshme financiare.
