Moderatori i emisionit Rubikon ka reaguar në lidhje me refuzimin e kandidatit të VV-së për Prishtinën, Hajrulla Çeko ku tha se as ai e as dikush nga ekipi i tij nuk i ka bërë ftesë partisë “Vetëvendosje!” për ta dërguar ndonjë kandidat të kësaj partie për kryetar komunash në studio, përcjell Gazeta Metro.
“Z. Çeko, duke më falënderuar për ftesën, me shkrim, më është përgjigjur me shumë mirësjellje se një zyrtar nga ekipi i tij do të më kontaktojë lidhur me ftesën. Për hir të konfidencialitetit profesional unë nuk do të zbuloj bisedat me dy përfaqësues të ekipit të kandidatit të LVV-së për Prishtinën, z. Çeko. Ajo që mund të zbuloj, tash për tash, është se kam zhvilluar një takim me një të dërguar të z. Çeko në zyrën time në Klan Kosova, si dhe dy biseda telefonike me një përfaqësues tjetër të tij (e dyta telefonatë – sot paradite)”, shkroi Kelmendi.
Tutje, ai e konfirmoi përtej çdo dyshimi se as Çeko dhe as dy përfaqësuesit e tij nuk i kanë thënë asnjëherë se kandidati i VV-së për kryetar të Prishtinës nuk do të vijë në Rubikon.
Ndëkraq, ai njoftoi se të hënën, prej orës 21:00, do të mbahet debati i parë ballafaques i kandidatëve, ku pjesëmarrjen e kanë konfirmuar Përparim Rama (LDK), Uran Ismaili (PDK), Bekë Berisha (AAK) dhe Besa Shahini (PSD)./gazetametro.net
