Njerëzit që vuajnë nga pagjumësia apo zgjohen shpesh gjatë natës mund të përfitojnë nga përdorimi i të ashtuquajturit “zë rozë” – një lloj zhurme e sfondit që ndihmon në relaksim dhe thellim të gjumit.
Sipas doktoreshës Deborah Lee nga Doctor Fox, në bashkëpunim me Bed Factory Direct, “zëri rozë” është më efektiv se zëri i bardhë tradicional për nxitjen e një gjumi të thellë dhe përmirësimin e kujtesës.
Zëri rozë, i njohur ndryshe edhe si 1/f noise, përfshin të gjitha frekuencat e dëgjueshme, por në një mënyrë më të butë e më të thellë sesa zëri i bardhë. Shembuj të tillë janë zhurma e valëve të detit ose shushurima e gjetheve.
Studime të viteve të fundit kanë treguar se personat që dëgjojnë këtë zë përpara ose gjatë gjumit, bien më shpejt në gjumë dhe kalojnë më shumë kohë në fazën e gjumit të thellë – fazë e rëndësishme për përpunimin e kujtesës dhe rigjenerimin.
Listat me zë rozë janë të disponueshme në platforma muzikore, por ekzistojnë edhe pajisje të posaçme që prodhojnë këtë zhurmë.
Ekspertët theksojnë se është e rëndësishme të gjeni zhurmën që i përshtatet trurit tuaj – pasi reagimet ndaj zërave ndryshojnë nga personi në person.
