Misioni paqeruajtës i NATO-s në Kosovë, KFOR, ka nisur vendosjen e shenjave të reja sinjalizuese përgjatë kufijve të vendit, me fokus të veçantë në zonat malore dhe pyjore.
Në një njoftim zyrtar, KFOR-i theksoi se këto sinjalizime kanë për qëllim të identifikojnë qartë zonat operative të misionit dhe të redukojnë rrezikun e kalimeve të paqëllimshme, sidomos në rajonet e thella kufitare.
“KFOR-i do të vazhdojë përpjekjet për promovimin e një ambienti të sigurt për të gjithë njerëzit në Kosovë,” thuhet në deklaratë.
“Kjo përfshin edhe patrullime të rregullta në veri të Kosovës dhe pranë Vijës Kufitare.”
Ky veprim vjen në një kohë të ndjeshme për sigurinë në rajon, ku tensionet në veri të vendit vazhdojnë të jenë pjesë e vëmendjes ndërkombëtare. Vendosja e këtyre shenjave sinjalizuese shihet si një masë parandaluese dhe pjesë e angazhimit të NATO-s për ruajtjen e stabilitetit dhe sigurisë në Kosovë.
KFOR-i ka mbi 25 vjet prezencë aktive në vend dhe luan një rol kyç në garantimin e paqes, veçanërisht në zonat ku ende shfaqen shqetësime për ndërhyrje ose incidente përgjatë kufirit me Serbinë.
Njoftimi i plotë:
