Një moment i regjistruar gjatë një koncerti të grupit Coldplay në stadiumin Gillette të Bostonit ka kthyer në epiqendër të vëmendjes Andy Byron, CEO-n e kompanisë së inteligjencës artificiale Astronomer. Videoja u bë virale pasi kamera e njohur “kiss cam” e kapi atë duke përqafuar Kristin Cabot, shefen e Burimeve Njerëzore në të njëjtën kompani.
Pamjet u shpërndanë me shpejtësi në rrjetet sociale, duke nxitur reagime të forta për shkak se Byron është i martuar. Ndërkohë, bashkëshortja e tij, Megan Kerrigan, u vu re se kishte hequr mbiemrin “Byron” nga profili i saj në Facebook, veprim që u interpretua si sinjal i qartë për tensionet në çift.
Në një deklaratë zyrtare të publikuar më 17 korrik nga New Yorku, Byron kërkoi ndjesë për incidentin, duke e përshkruar si “një moment personalisht i dhimbshëm dhe profesionalisht i turpshëm”.
“Dua të kërkoj sinqerisht falje gruas sime, familjes sime dhe ekipit në Astronomer. Ju meritoni më shumë nga unë si partner, si baba dhe si udhëheqës,” – shkroi ai.
Ai gjithashtu kritikoi publikimin e videos pa lejen e tij, duke e quajtur një shembull të rrezikshëm të shkeljes së privatësisë dhe “kulturës së spektaklit”.
Por reagimet ndaj faljes së tij nuk ishin të gjitha pozitive. Shumë përdorues të rrjeteve sociale e akuzuan Byron se ishte më i shqetësuar për ekspozimin publik sesa për veprimin e tij në vetvete. Komente si “Lights did not guide Andy home” dhe përdorimi i hashtagut #ColdplayGate e shndërruan rastin në një fenomen viral me mbi 50 milionë shikime në TikTok.
Situata u përkeqësua kur në internet filloi të qarkullojë një deklaratë e rreme e Byron-it, e përpunuar me elemente të këngës “Fix You” nga Coldplay. Kompania Astronomer e përgënjeshtroi menjëherë këtë version, duke e quajtur “një komunikim të fabrikuar nga një profil paroditik”.
Aktualisht, Astronomer ka nisur një hetim të brendshëm për të shqyrtuar sjelljen e dy zyrtarëve të lartë të saj. Deri më tani, as Byron dhe as Cabot nuk kanë dhënë ndonjë deklaratë tjetër publike përveç asaj fillestare.
Rasti po mbulon faqet e para të mediave ndërkombëtare dhe ka ngjallur debat të gjerë jo vetëm për etikën e udhëheqësve në pozita të larta, por edhe për kufijtë e privatësisë në epokën e rrjeteve sociale.
Meme of the day: Coldplay concert camera catches cheating CEO on big screen
During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.
All… pic.twitter.com/TlcodY9CCv
— NEXTA (@nexta_tv) July 17, 2025
