Fëmijët dhe të rinjtë që kalojnë shumë kohë para ekranit – qoftë televizor, telefon apo pajisje të tjera elektronike kanë rrezik më të lartë për sëmundje kardiometabolike, paralajmëron një studim danez i botuar në Journal of the American Heart Association.
Studimi, që ndoqi zakonet e më shumë se 1,000 fëmijëve 10-vjeçarë dhe 18-vjeçarë, zbuloi se çdo orë shtesë e përdorimit të ekranit lidhet me rritje të rrezikut për tension të lartë, kolesterol të lartë dhe rezistencë ndaj insulinës.
Sipas autorit kryesor, David Horner nga Universiteti i Kopenhagës, tre orë shtesë në ditë mund të rrisin ndjeshëm rrezikun krahasuar me bashkëmoshatarët.
Ekspertët theksojnë se këto rreziqe në moshë të hershme mund të vazhdojnë edhe në moshën e rritur, duke shtuar gjasat për sëmundje të zemrës dhe diabet.
Ndërsa ka ende debat për efektet afatgjata, shumica e studiuesve bien dakord se fëmijët dhe adoleshentët janë më të ndjeshëm ndaj pasojave të ekspozimit të tepruar ndaj ekranit.
