Një bllokadë e re mund të ndodh në vazhdimin e seancës së re të Kuvendit, kur pritet të votohen nënkryetarët e Kuvendit, pasi që sipas burimeve të Periskopit, VV ka ndryshuar ‘lojën’.
Burime të Periskopit kanë thënë se partia që drejtohet nga Albin Kurti po tenton të ndryshoj procedurat dhe që nënkryetarët e Kuvendit të votohen veç e veç.
Kjo sipas këtij burimi po bëhet nga VV`ja ‘kinse’ për shkak të nënkryetarit që i takon Listes Serbe.
“Situata po komplikohet… po shkojmë drejt një bllokada te re. VV po tentohet te shes patriotizëm duke ndarë veç e veç për votim nënkryetarët e Kuvendit, këtë po e bëjnë kinse për shkak të Listes Serbe”, ka thënë ky burim.
Kësisoj në rast se nuk zgjedhen nënkryerarët e Kuvendit, Kuvendi nuk llogaritet i konstituuar .
Ndërkohë për zgjedhjen e nëkryetarëvë, Naim Jakaj nga IKD ka sqaruar në tërësi se si procedohet tutje.
Postimi:
Si duhet të ndjeket procedura për zgjedhjen e nënkryetarëve pas disa minutave?
Kryetari i Kuvendit kërkon nga tri subjektet më të mëdha parlamentare (LVV, PDK, LDK) të propozojnë nga një kandidat/e për nënkryetar/e, ndërsa kandidati i LVV-së duhet të jetë i gjinisë tjetër nga Kryetari.
Nënkryetarët e tre partive votohen në pako.
Kryhet kjo procedurë dhe vazhdojmë me votimin e nënkryetarëve nga komunitetet joshumicë.
Deputetët e komunitetit serb propozojnë një kandidat për nënkryetar, ashtu si edhe deputetët e komuniteteve tjera joshumicë, të cilët më pas zgjidhen me shumicën e votave të të gjithë deputetëve.
Propozimet bëhen me shkrim, ndërsa nëse nuk ka propozime, kandidatët përcaktohen me short në prani të deputetëve të komuniteteve përkatëse, nën administrimin e Kryetarit të Kuvendit.
Nënkryetarët e dy komuniteteve votohen në pako.
