Gazetari Vehbi Kajtazi ka ngritur shqetësime serioze për drejtimin politik të vendit, duke thënë se Kosova rrezikon të bëhet sikur Palestina.
Në emisionin “VV Show”, Kajtazi u shpreh se dështimet në politikën e jashtme, mungesa e njohjeve të reja dhe zvarritja e marrëveshjes me Serbinë po e rrezikojnë pozitën ndërkombëtare të Kosovës.
“Albin Kurti duhet me dhanë përgjegjësi penale për aferat korruptive, përgjegjësi politike për dëmin që ia ka shkaktu Kosovës. Duhet me i përmirësu gabimet që i ka bë. Me përfundu marrëveshjen me Serbinë që ka mbet si gogol. Sot Kosova ka rrezik me u bë Palestinë e dytë, këta nuk janë tu e dit. Kosova është shtet i pakryer”.
Ai gjithashtu vlerësoi rolin e ish-ministrit të Jashtëm e ish-presidentit Behgjet Pacolli, duke thënë se pa njohjen që e solli ai, Kosova do të kishte mbetur e izoluar në arenën ndërkombëtare.
“Mos të ishte njohja që e solli Pacolli, Kosova ke ndërkombëtarisht e mbytun”.
