Zubin Potok, 26 korrik 2025 – Që nga mëngjesi i sotëm, zyrtarë të lartë të Kosovës kanë nisur vizitat në fshatin Varag, ku ndodhet përmendorja e policit të rënë Enver Zumberi, i cili humbi jetën gjatë krizës së vitit 2011.
Sipas njoftimit të Policisë së Kosovës, gjatë ditës pritet që zyrtarë shtetërorë të marrin pjesë në disa aktivitete përkujtimore dhe sportive, ndërsa në orën 17:00 do të mbahet ceremonia për mirëpritjen e pjesëmarrësve të marshit në Qendrën e Trajnimit për Kërkim-Shpëtim “Berim”, pranë liqenit të Ujmanit (Gazivodës).
Po ashtu, gjatë ditës janë paraparë aktivitete sportive si ecje malore, çiklizëm, motoçiklizëm dhe kajak, me pjesëmarrës nga e gjithë Kosova. Itineraret e ekipeve përshkojnë komunat dhe zonat nga jugu në veri të Kosovës, përfshirë edhe Zubin Potokun./Qendra.Info
