Përfaqësuesja U20 e Kosovës në basketboll është ndalur në fazën çerekfinale të Kampionatit Evropian (Divizioni B), pas humbjes nga Zvicra me rezultat përfundimtar 72:61.
Takimi nisi me një lojë të baraspeshuar, me Dardanët që e mbyllën çerekun e parë me disavantazh prej pesë pikësh (20:15). Në periodën e dytë, Kosova reagoi dhe arriti ta fitojë atë 20:23, duke shkuar në pushim me vetëm dy pikë disavantazh (40:38).
Në pjesën e dytë të ndeshjes, Zvicra mori kontrollin. Ata fituan çerekun e tretë me rezultat 14:11 dhe e mbyllën ndeshjen me një periudhë të katërt më të fortë, 18:11, duke siguruar kështu kualifikimin në gjysmëfinale me një epërsi përfundimtare prej 11 pikësh.
Për Kosovën, më të dalluarit në parket ishin Erolt Rrahmani me 12 pikë dhe 9 kërcime, ndërsa Rron Dahsyla dhe Arlind Konjuhi kontribuan me nga 13 pikë secili.
Skuadra e Kosovës do të ketë edhe dy ndeshje për vendet 5-8, ku të shtunën do të përballet me Britaninë e Madhe.
