Prishtinë – Komisioni Qendror i Zgjedhjeve ka certifikuar sot iniciativën qytetare “Për Drenasin Kampion me Ramiz Lladrovcin” për pjesëmarrje në zgjedhjet lokale që do të mbahen më 12 tetor në komunën e Drenasit.
Ramiz Lladrovci, aktualisht kryetar i komunës, është shprehur i lumtur për këtë hap, duke theksuar se vendimi për të kërkuar edhe një mandat vjen pas kërkesave të qytetarëve, simpatizantëve dhe rrethanave të krijuara.
“Puna jonë në Komunën Kampion dhe besimi i qytetarëve janë arsyeja që po kërkojmë të vazhdojmë edhe për katër vite të tjera,” ka deklaruar Lladrovci.
Motoja e iniciativës mbetet: “Për Drenasin Kampion – Bashkë vazhdojmë +4”.
