03 Tetor 2025 – Kryetari i Partisë Demokratike të Kosovës (PDK), Memli Krasniqi, gjatë një tubimi elektoral në Lipjan, ka deklaruar se qyteti ka nevojë për një udhëheqës si Shukri Buja.
Në fjalimin e tij, Krasniqi theksoi se Buja është personi i duhur për të hapur, siç u shpreh ai, “një kapitull të ri, më të mirë e më dinjitoz për të gjithë qytetarët e Lipjanit”.
“Shukri Buja është kryetari për të cilin Lipjani ka nevojë – për të hapur një kapitull të ri, më të mirë e më dinjitoz për të gjithë”, shkroi Krasniqi edhe në rrjete sociale, duke shoqëruar mesazhin me motot e fushatës #PDK191 dhe #MaMirePerLipjanin.
Ky tubim shënon një ndër aktivitetet kryesore të PDK-së në prag të zgjedhjeve lokale, ku partia synon të rikthejë udhëheqjen në Lipjan përmes kandidaturës së Shukri Bujës.
