02 Tetor 2025 | QENDRA.INFO
Raportohet se një anije nga flota ndërkombëtare humanitare, e quajtur “Mikeno”, ka hyrë në ujërat territoriale të Gazës, një zhvillim historik pas më shumë se një dekade bllokade detare.
Sipas uebfaqes për përcjelljen e lundrimit të flotës ndërkombëtare të anijeve me ndihma drejt Gazës, “Mikeno” është afruar pranë bregut, ndërkohë që forcat detare izraelite vazhdojnë të pengojnë hyrjen e anijeve të tjera. Aktualisht, 24 anije operacionale po afrohen drejt zonës, raporton gazeta britanike The Guardian.
Ky është rasti i parë që nga viti 2009 kur një mision humanitar i paautorizuar arrin të afrohet më shumë se 130 kilometra nga enklava e Gazës. Në vitin 2010, një incident i ngjashëm me një barkë turke përfundoi në një ballafaqim vdekjeprurës me forcën izraelite, ku humbën jetën 10 aktivistë turq.
Ky zhvillim po rrit tensionet në rajon, ndërsa komuniteti ndërkombëtar ndjek me kujdes lëvizjet e flotës humanitare dhe reagimin e Izraelit.
